روى رضا عبدالعال، لاعب الأهلي والزمالك الأسبق، تفاصيل استضافته في برنامج «رامز في الشلال»، معقبًا: «أقسم بجلالة الله أول ما صوت الغوريلا عمل والعيال سابتنى وجريت، الدنيا اسودت في عينى، ولما كنت بتشاهد كنت بتشاهد إن هي لما تاكلنى محسش بحاجة».
أضاف، في لقائه مع برنامج «نمبر وان»، على فضائية «النهار»، صباح الأربعاء: «بنتي عيطت النهاردة لما شافت الحلقة وقالتلى يا بابا إرفع قضية عليه، قلتلها يا مرام إنتى عارفة إني متعاقد مع القناة دي وهم غفلوني»، مؤكدا: «وحياة ولادي أنا ما أعرف كنت رايح فين».
تابع: «آخر حاجة جت في بالي ولادي ومراتي مش هشوفهم تاني، ورامز لازم يطلع يتأسف على المقدمة اللى عملها اللى قال فيها كرشه والتيشيرت، والأهم من كل دا نبروه والناس اللى في نبروه، ميجيبش سيرة الناس اللى في نبروه ويقولك صفيحتين فسيخ، مينفعش، لازم تديها حقها وتدينى حقى».
مضى قائلًا: «أول ما وقعت في المية شرقت وكنت هموت، وفيه بنت في الآخر كدا إديتها حتة بوكس ولا محمد على، عمالة تشدنى وأنا مش قادر آخد نفسى، وبعد ما فقت قلتلهم إن دى ممكن تموت حد متخلوهاش تشد حد نفس الشدة دى».
اختتم: «التيشيرت اللي كنت لابسه في الحلقة كان غالى وجبته بعد التخفيض بحوالي 650 أو 600 جنيه (..) قعدنا من الساعة 9 للساعة 1 ونص في المياه ومش عايزني أقول العصعوصة؟!».