قال الإعلامي عمرو أديب إن جمهور نادي الزمالك بالغ في السخرية والشماتة بعد هزيمة الأهلي أمام الترجي التونسي في نهائي دوري أبطال أفريقيا.
وأضاف في برنامجه «الحكاية» على فضائية «إم بي سي مصر»، مساء السبت: «امبارح أكتر مرة في حياتي شوفت الطرفين (جماهير الأهلي والزمالك) في حالة يرثى لها».
وتابع: «حصل إيه خير، عادي بيحصل، اشمعنى الزمالك لما بيتغلب التريقة فيه حلال، والهخلي لما بيتغلب التريقة عليه حرام، الزمالك لما بيتغلب بيتعمل أغاني وكارتون وسيلفي وفيديوهات متركبة، خدوا الموضوع ببساطة».
وأردف: «الموضوع إمبارح كان جد، لدرجة إن وائل جمعة صعب عليا وهو شغال في بي إن سبورتس، أنا باعتبره أفضل محلل رياضي هناك، أنا باعتبره محلل أحسن من أبوتريكة».
واستطرد: «نعمل إيه إذا كان الأهلي ملعبش إمبارح كويس، لا كان عنده لاعيبة ولا خطة ولا فريق، وأنتو عارفين الماتش الأول اتعمل إزاي، فيها إيه لما الأهلي يتغلب، أنا كان خوفي تحصل فتنة كروية، اهدوا شوية دي البلد بيحصل فيها مصايب ومبيحصلش كده».
واختتم: «الترجي لعب كويس، وكان منظم، وأول مرة نشوف الأهلي من مدة بيتغلب 3، أنا رأيي الناس في الأهلي يقعدوا شوية يحلوا المشكلة، اتكلموا إمبارح في كل حاجة ونسيوا مستوى الأهلي».