شهد الرئيس عبدالفتاح السيسي، الأربعاء، انطلاق الجلسة الثانية من المؤتمر الوطني الخامس للشباب تحت عنوان «رؤية شبابية للدولة المصرية للأربع سنوات القادمة».
وقال السيسي: «معندناش ترف تأجيل قرار رفع تذاكر المترو، أو مناخدش القرار، لو مخدتش القرار يبقى قصرت في حقكم، دى مش قرار حكومة وإنما قرار دولة، القرار لم يكن مفاجئا.. من أيام سعد الجيوشي عندما كان وزير نقل، وهاني ضاحي، ثم الدكتور جلال السعيد، ثم هشام عرفات، ويطلع في التليفزيون يقول سامحوني، سامحوني إيه يا دكتور هو فيه خيار تاني».
وأضاف السيسي: «البلاد لا تقوم إلا بالقرارات الصعبة، إحنا مش جايين نضيعكم ونمشي لا والله، بالمناسبة لو مخدتش القرارات دي محدش تاني هياخدها، عشان نقف على رجلنا الأمر محتاج كلنا نبقى فاهمين احنا مين ونستحمل اللي هنعمله، دي خطة اتعملت من 4 سنوات في القطاعات كلها الكهرباء والمياه والصرف الصحي، لا يوجد خيار تاني».