بنفـس الأغــانى ونفــس الصور
ونفس العيون اللي عاشقة السهر
بشُوفِك بقلبى بنفس الطبيعة
ونفس الوجيعة ونفس البشر
بنفس الشـوارع ونفـس الحارات
ونـفــس الــكلام اللى زى السكات
كأن السنــين اللى فــاتت ساعات
وعمري ماضعشى فى حبــك هدر
■ ■ ■
بشُوفِك صبيـــة رقـيقة وعفية
بتمسك إديّـــا ف وقت الــخطـر
وأشُـوفِك مرايا بتحكـي الحكاية
وأشُوفِك نهـاية لسكـة سفـر
بشُوفِك دوايــا يـداوي الآهات
وحضني اللي قـادر يلم الشـــتات
كأن السنـين اللي فاتت ساعات
وعمرى ماضعشى فى حبك هدر
■ ■ ■
بشُوفِك حكاوي فى حضن القهاوى
تدور الـرداوى تـذيع الخــبر
وأشُوفِك صحابى وكـورة ب شرابى
وقــلمى وكتـابى ودرس وعِبــر
بشُوفِك وبسرح مـع الذكــريــات
وبتــمنى أصبح فى حضنك وأبات
كأن السنين اللي فـاتــت ساعات
وعمرى ماضعشى فى حبـك هدر
ــــــــــــــــــــــــــــــــــــــــــــــــــــــــــ
شعر: أسامة عبد الصبور