قال الرئيس عبدالفتاح السيسي، الأربعاء: «اللي حصل خلال الـ4 سنوات كتر خيركم، ولسه محتاجكم أكتر، متشكرين شكرا جزيلا كتر خيركم، الفترة اللي فاتت الإجرءات اللي عملناها مكنش فيه خيار غيرها».
وأضاف السيسي، خلال حضوره احتفالية يوم المرأة المصرية: «السيدة المصرية وقفت، أنا محتاجكم أيوه لأن المشوار لم ينتهي، وإحنا مصرين على أن بلادنا تاخد مكانها الذي يليق بها، محتاجكم، يمكن الرجال يزعلوا مقصدش، كل سيدة وأم وأخت من فضلك عشان خاطر بلدنا، وأنا محتاج الدنيا كلها تشوفونا تحت في الشارع قولوا ما شئتم، ينزل المصريين، ناس كتير بتحاول تاكل كتاف مصر، الناس كلها تنزل حتى لو قالوا لا، قسما بالله لو نزل الشعب وقال لا دا أمر عظيم جدا ومحترم جدا وينفذ فورا».
وتابع الرئيس: «عايزين ندي المثل ونأكد للعالم إن البلد دي يحكمها شعبها من خلال النزول والمشاركة في الانتخابات، من فضلكم شجعوا أبناكم وأولادكم واللي ملهمش أصوات».