تحدث الرئيس عبدالفتاح السيسي، الخميس، خلال تدشين مدينة العلمين الجديدة، عن حجم النمو العشوائي غير المخطط في مصر، قائلا: «لو متحركانش واستمر هذا الوضع هنتحول إلى كتلة عشوائيات ويصعب التعامل معاها لـ50 سنة قادمة، إنشاء المدن الجديدة يمتص الطلب على الإسكان وتعطي فرصة لحياة أفضل».
وأضاف السيسي: «اللي إحنا شايفنه حاجة متميزة اه طبعا مصر دولة كبيرة أوي، مدن تبقى مقاصد سياحية وتشغل الناس، بقى أنا مقدرش أعمل مقصد سياحي منافس لأي مدينة عالمية تبقوا مش واخدين بالكوا من مصر بقى».
ووجه الرئيس نداء للمصريين قائلا: «عايزين ناس تشتغل أد اللي بتشتغل في ألف موقع، دا بلد فيها 100 مليون يا جماعة، الناس بتقول الفلوس كلها منين، والحكومة ظروفها صعبة، لا بنشغل دي إدارة، فيه 1000 موقع يعني 3 أو 4 مليون، الشركات قالت نجيب عمالة من الخارج تشتغل في مصر الكلام مش ممكن هنعمله، النهارده حجم العمل المطلوب استوعبنا العمالة العائدة من لييبيا أو من أي دولة غير مستقرة، ومحتاجين أكتر من دا مرة و2 و3، بنغير وجه مصر، دولة حقيقة لـ100 مليون ذا شأن».