علق رضا عبدالعال، نجم الزمالك والأهلي السابق، على هزيمة الزمالك اليوم امام الأهلي في القمة 115 التي أقيمت على ملعب استاد القاهرة وانتهت بثلاثية نظيفة للأهلي، في اطار الجولة 17 من بطولة الدوري الممتاز.
وقال عبدالعال، في تصريحات مع الكابتن خالد الغندور، عقب المباراة:«كل الشارع الزملكاوي كان عنده تفائل كبير بعد تولي إيهاب جلال المسؤولية، لو ضربة جزاء باسم مرسي أحرزها كان هيعيد سيناريو مباراة السوبر في الإمارات قبل الأخيرة، عندما اضاع كهربا ضربة الجزاء وفاز الأهلي 3-2..باسم مرسي لما ضيع ركلة الجزاء لإنبي أنت جاي من الدار للنار على طول، حتى لو إيهاب جلال اللي قالي اشوط مكنش لازم يشوط لانه غير موفق».
وأضاف :«إيهاب جلال النهارده ما عملش حاجه بس في ريحة من شغله، لان كل لاعيبة الزمالك النهارده كله بيسلم ويستلم غير الماتشات اللي فاتت وممكن يكون ايهاب اللي قال الكلام ده».
وأردف :«اختلف مع ايهاب جلال النهارده بالبدء بباسم مرسي بدلًا من كاسونجو وانه اعتمد على خبرة باسم في لقاءات القمة، وأقوله له مباراة القمة هي اللي بتتولد فيها نجوم وبتكون عنصر مفاجأة للخصم، وإيهاب جلال لا يتحمل المسؤولية».
ووجه عبدالعال رسالة لإيهاب جلال :«لو عايز تنجح في الزمالك ..4 لاعيبه شيلهم من حساباتك ..باسم مرسي وأحمد الشناوي وعلي جبر وطارق حامد».