قالت النجمة يسرا إنه رغم الظروف الصعبة التي تمر بها مـصـر، إلا أن الرئيس عبدالفتـاح السيسي، حاول قدر الإمكان إصلاح الأوضاع، مضيفة: «لو عبدالفتاح السيسي معملش أي حاجة غير إنه أنقذنا من حكم الإخوان، ده في حد ذاته عمل كبير جدًا».
أضافت يسرا، في تصريحات لها عبر فضائية «الحياة»، «عبدالفتاح السيسي حاول يساعد قدر الإمكان، آه عندنا مشاكل، وهتفضل عندنا مشاكل، لكن الخطر الحقيقي إنك ماتكونش عارف إن اللي جمبك ممكن يكون عدوك، إحنا لازم نصبر، لأن معندناش عصا سحرية عشان نحل المشاكل في يوم وليلة، إحنا لسه قدمنا مشوار، بس مننساش اللي إحنا كنا فيه، وعلى المدى الطويل هنحس بالإنجازات لكن مش دلوقتي».
وأردفت: «عبدالفتاح السيسي يعرف ما هو الفن وأهميته ورسالته، وأنا بحترم فيه جدًا إنه بينظر للمرأة بفخر، وكل امرأة مصرية تفتخر به، وأهم شيء إن وطنا يكون بخير، إن أولادنا اللي على الحدود يكونوا بخير، لازم نبص لمشوارنا ونكمله ومفيش حاجة توقفنا، وإحنا عندنا شباب رائع وهيعمل مستقبل مختلف، والشعب لازم يصبر ويصمد على الحالة التي نمر بها».
وختمت: «أنا بشكرك يا ريس، وبتمنالك التوفيق، عارفة إن الحمل تقيل أوي عليك، وعلينا كلنا، بس أنت اللي شايل المسؤولية، ومصر هتفضل جميلة وولادة».