أعرب مرتضى منصور، رئيس نادي الزمالك، عن استيائه الشديد من مسؤولي حي العجوزة، بعد إصرارهم على هدم سور النادي النهري.
وقال «منصور»، في فيديو نشرته الصفحة الرسمية للنادي على «فيس بوك»: «أنا حزين ومُحبط، بقالنا شهر بنشتغل في النادي النهري اللي تبع الدولة، وأخدنا موافقات من وزارة الري، وفيه رئيس حي عاوز يعمل عضوية في النادي بالعافية، بييجي يهد سور النادي».
وأضاف: «السيد المحافظ كمال الدالي صديق عزيز لكن للأسف ماشي ورا رئيس حي العجوزة، هل يجوز إن نادي الزمالك اللي بيشجعه الآلاف يطلع قرار سيادة المحافظ بناء على كلام فارغ من رئيس الحي، وينفع بعد الشغل ده كله ومال عام بالملايين، مصمم إنه يجي يهد السور».
وواصل: «سيادة الرئيس بيبني العاصمة الإدارية وانت جاي تهد في قلب العاصمة، أنهي منطق، يا سيادة الرئيس وسيادة رئيس الوزراء، أنقذ نادي الزمالك، بقول للرئيس حضرتك بتشجع الشباب، هما لاعيبة الزمالك مش كانوا في منتخب مصر وفرّحوا مصر».