قال مرتضى منصور، رئيس نادي الزمالك، إن هناك بروتوكول على الجميع أن يسير عليه مع انطلاق الموسم، بأن الأخطاء التحكيمية جزء من لعبة كرةالقدم.
وقال «منصور»، في مداخلة هاتفية ببرنامج مساء الأنوار: «نتفق من أول الموسم إن الأخطاء جزء من اللعبة، لو مش جزء ليا ضربتين جزاء أمام الداخلية ومش هاسكت، وأنا رأيي إنها جزء».
وأضاف:«مبدأ عام مادام اتفقنا من أول الموسم يبقى كلنا هانتحمل الأخطاء ومش هانتحمل الخطايا. إيه الخطيئة؟ إن واحد يبقى جوه منطقة الجزاء ويمسك الكرة بإيده عادي، الخطيئة إن الحكم يقى متعمد وقاصد»، لكنه عاد وأكد: «أنا متفق على أن أخطاء التحكيم جزء من اللعبة، لكن لو مشينا على سطر وسيبنا سطر، يبقى فيه كلام تاني».
وعن إمكانية حكم خامس، بهدف تقليل رصد الأخطاء القريبة من منطقة الجزاء أو بداخلها، علق «منصور»: «الشرع بيحرم خمسة في الجواز، لكن مش بيحرم
خمسة في الكورة، يعني اتحاد الكرة لو اشترى دماغه وجاب حد بكرسي وقعد ورا الشبكة إيه المشكلة».