قال مرتضى منصور، رئيس نادي الزمالك، إنه لا يوجد أي تعصب وأو مشاكل بين إدارتي أو لاعبي الأهلي والزمالك، مؤكدًا أنه يتحدث دائمًا مع محمود طاهر، رئيس النادي الأهلي.
وأضاف «منصور»، في تصريحات إذاعية: «محمود طاهر عامل شغل كبير جدًا في النادي الأهلي، وكمل اللي عمله حسن حمدي والخطيب، الناس مابتنتخبش بالفيس بوك، الناس أعضاء الجمعية العمومية ملهاش علاقة بالفيس بوك، الناس ليها جوه الأندية، خاصة أن أندية الأهلي والزمالك أصبحوا دلوقتي أندية اجتماعية رياضية، كان زمان نادي رياضي ولو الدوري ضاع الناس تتقلب ويجيلها تشنجات، دلوقتي نص الأعضاء اللي في النادي الأهلي زملكاوية، ونص الأعضاء اللي في نادي الزمالك أهلاوية، انا ومحمود معروف مثلا أعضاء في الأهلي، فقصة التعصب دي خلاص انتهت».
وتابع: «محمود طاهر فوت الفرصة للمتربصين، في رأيي كان يقول والله أنا بحترم الدولة، والقانون ده اللي عمله مجلس النواب، ومصدق عليه سيادة الرئيس».
وواصل: «طاهر لو كان عمل الجمعية العمومية على يوم واحد في الجزيرة الناس كانت جت، إنما الناس مارحتش ليه؟، لأنها اتشككت الجمعية هاتتعمل أو لا، لكن هو عمل شغل محترم في النادي».