كشف النائب السيد حسن موسى، وكيل لجنة الزراعة والري بمجلس النواب، عن تفاصيل لقائه بالدكتور على مصيلحي، وزير التموين، خلال حفل استقبال عقدته السفارة الأمريكية بالقاهرة أمس الأول بحضور عدد من النواب.
وقال «موسى»، خلال اجتماع لجنة الزراعة اليوم، إنه سأل الوزير: متى يكون لدينا اكتفاء ذاتي من القمح؟، إلا أن الوزير رد بقوله: «مفيش مشكلة إحنا بنستورده».
وأضاف النائب أن الوزير قال: «إن الناس بتخزن القمح عشان تاكله»، ورد النائب: «مش معقول هيطحنوا 3 ملايين إردب عشان ياكلوه»، لافتا إلى أن وزير التموين كان لديه إصرار على أن الناس بتخزن القمح عشان تاكله.
ورد النائب: «ده إللى عنده فدان بيبيعه عشان خاطر يصرف على ابنه، وفى مزارعين ميعرفوش يبيعوا القمح وباعوه أقل من السوق للتجار».
وتابع «موسى»: «الحقيقة الوزير قالي وإيه يعنى ما هو بيجيلي بعد كده، قولتله المواشي بتاكله يا معالي الوزير، والحقيقة كان رد الوزير بلهجته الإنجليزية ITS NOT TRUE، ولكني قلت له: «يا معالى الوزير من لا يملك قوته لا يملك قراره»، ولكن للأسف الوزير قاللي: «الكلام ده قديم وعفا عليه الزمن».