انفعل الرئيس عبدالفتاح السيسي، اليوم الثلاثاء، عندما طالب أحد الحضور في جلسة افتتاح مدينة دمياط للأثاث، بتأجيل زيادة أسعار الوقود والكهرباء حتى رفع الحد الأدنى للأجور إلى 3 آلاف جنيه.
وقال الرجل، الذي اتضح بعد ذلك أنه أبوالمعاطي مصطفى، عضو مجلس النواب عن محافظة دمياط، إن المواطن البسيط هو من يدفع تلك الزيادة لأن أصحاب المصانع سيضيفون تلك الزيادة على الكهرباء والوقود إلى سعر المنتج النهائي. وأضاف: «أصحاب الدخول البسيطة مش ح تقدر تستحمل.. أرجو إرجاء زيادة أسعار الوقود والطاقة لحد ما نرفع الحد الأدنى للرواتب 3 آلاف جنيه عشان نقدر نستوعب الزيادة في الأسعار».
وفاجأ الرئيس الحضور عندما قاطع الشخص الذي كان يتحدث، قائلا: «إنت مين؟!».. فرد «مصطفى» عليه قائلا: «أنا أبوالمعاطي مصطفى عضو مجلس النواب»، فقال له الرئيس: «نواب إيه.. إنت دارس الموضوع اللي بتتكلم فيه.. إنت عايز دولة تقوم، ولا تفضل ميته؟!.. لو سمحت ادرسوا المواضيع كويس وبعدين اتكلموا».
واستطرد السيسي في توجيه حديثه الغاضب، وقال: «الدولة مش بتقوم بالعواطف والكلام اللى مش مدروس.... أنا مسؤول قدامكم أنها تبقى دولة ذات شأن وقيمة.. مش كلام زي نأجل وبلاش دلوقتي ومعلش.. من فضلكم اللى يتصدى للموضوع يبقى دارسه دراسة كاملة».