قال عصام الحضري، حارس المرمى المخضرم للمنتخب الوطني، إن عمله واجتهاده وراء نجاحه، مبديًا اندهاشه مما يتم ترويجه عن لجوءه للسحر.
وعن لقب «جاميكا» الذي ردده البعض عن «الحضري»، في إشارة إلى قيامه بأعمال السحر والشعوذة، علق خلال تواجده ضيفًا على برنامج «معكم منى الشاذلي» على قناة «سي بي سي»، اليوم الخميس، «شغلي هو جمايكا بتاعي. حاجة واحدة بعلمها وفي يوم معملتهاش في البطولة حسيت إني تعبت، بقرأ سورة البقرة وأذكار الصباح والمساء وأصلي على النبي، ده جاميكا بتاعي».
وتابع: «جاميكا مش بتزعلني، باخدها بمرح، واللاعيبة غنتها بعد ماتش بوركينا فاسو، ولو فيه سحر كنا كسبنا النهائي».
وأكد: «حب الناس والمدربين اللي بشتغل معاهم بيأثر كتير، بعتبرهم أبهات، وبشكل أساسي فكري صالح، وصاحبي وأخويا وصديقي أحمد ناجي. الراجل ده بيشتغل وبيتوكل على الله. معاه المفتاح السري بتاعي».