أشاد عصام الحضري، حارس المرمى المخضرم للمنتخب الوطني، بلاعب الوسط محمد النني، الدولي المصري المحترف في صفوف أرسنال الإنجليزي.
وقال «الحضري»، خلال تواجده ضيفًا على برنامج «معكم منى الشاذلي» على قناة «سي بي سي»، الخميس، «في يوم كنت قاعد في الغرفة، ولاقيت النني داخل عليا وقالي عاوز اتكلم معاك شوية».
وأضاف «الحضري»: «قالي عايز اسألك سؤال، بتجيب ده كله منين عاوز اتعلم».
وتابع: «دي من الحاجات اللي شايفها في نفسي وشايفها في النني، بيصحى الساعة 5 الصبح علشان يتمرن، بيلعب في أحسن الأندية في العالم، ولسه نفسه يتعلم مني. أنا بعمل الحاجات دي من صغري عندي طموح، ساعات أكون مش موفق في ماتش وأقول الحمدلله، وطول ما بقول الحمدلله مابزعلش واصبر، وألاقي ربنا بيديني من وسع عن شغلي واجتهادي».