قال أحمد حسام ميدو، المدير الفني لوادي دجلة، إنه لا توجد أي مشاكل مع عصام الحضري، الحارس المخضرم للفريق.
وأضاف «ميدو»، في تصريحات عقب لقاء الزمالك، والتي غاب عنها «الحضري»: «عصام الحضري هو من طلب الإجازة وأنا وافقت عليها، ولو كان مطلبش الإجازة مكانش هايبقى فيه مشكلة، أي حارس بيغلط، أنا من أول يوم بدعم عصام الحضري، بتمنى من الإعلام مايعملش مشكلة من غير مشكلة، أنا أول واحد بقول عصام الحضري حارس مرمى مصر الأول، حتى قبل ما أدرب وادي دجلة، مش عاوزين نختلق مشكلة».
وقال «ميدو»: «مفيش مشكلة بين الحضري ولاعبي الفريق، الحضري قيمة كبيرة، وحلم ليهم أنهم يلعبوا معاه، وعاتبته على تصريحاته وانتقاده لخط الدفاع».