قال أحمد حسام ميدو، المدير الفني لوادي دجلة، إنه فريقه تعرض لظلم تحكيمي كبير خلال لقاء الزمالك الذي انتهى بالتعادل «1-1»، اليوم الثلاثاء.
وأضاف «ميدو»، في تصريحات تليفزيونية عقب اللقاء: «بقول لاتحاد الكرة خلي الأهلي والزمالك يلبعوا في دوري لوحدهم، أنا زملكاوي وبحب نادي الزمالك، لكن عمر الكرة ما هاتطور لو فضلنا كده، الجول بتاعنا مش أوفسايد 2 متر، وبقول للحكم بين الشوطين حرام عليك مش أوفسايد، ونزلت في الشوط الثاني قالولي انت مطرود، الراجل بيحسب فاولات عكسية من أول دقيقة».
وتابع: «بوجه رسالة للمهندس هاني أبوريدة، انتو عاوزين نفضل محلك سر، إحنا ناس بتتعب ونخلص ونشتغل، وفي الآخر يجي حكم مش راضي إننا نعمل نتيجة كويسة، إحنا بنلاعب الزمالك والحكام، بقول لكابتن أيمن دجيش الجول الغير محتسب عيب في تاريخه، وبقول لرضا البلتاجي عيب إن جول زي ده يتلغي».
ووجه ميدو رسالة إلى جمهور الزمالك: «مش عاوز جمهور الزمالك يزعل مني، أنا عاوز ولادي لما يكبروا يقولو إن أبوهم بيعشق ويحترم مكان عمله».