قالت الإعلامية ريهام سعيد، إنه «ليه لما بنسافر برا في أي مكان وبنأكل خيارة أو تفاحة نقول الله طعمها مختلف، حتى المياه المعدنية بنعمل كده برضه، إنما عندنا التلوث والمبيدات مبهدلانا»، مضيفة «كلنا هننزل نشتري لحمة وهنفطر كبدة وكلاوي في عيد الأضحى واللي هيزود نيفا ومومبار وسجق ولسان والحاجات دي».
وأضافت خلال برنامج «صبايا الخير»، على النهار one، مساء الثلاثاء: «لكن فيه حاجة مهمة وهي إن الحاجات دي بتتاكل على عربيات في حتت شعبية وبتتباع في أكياس مجمدة وأنت مش عارف إنك ممكن تكون بتأكل لحم حمير أو لحمة فاسدة وعدى على صلاحيتها سنة»، موضحة أن أي شخص لو لديه شيء فاسد في ثلاجته لن يقدمه لضيفه فما بالك من هو مصدر رزقه من الأشياء الفاسدة ويتسبب في موت الناس وإصابتهم بالأمراض.
وتابعت قائلة: «أنا باسميهم المجرمين اللي بيستغلوا شكاوى الناس من الأسعار ويعملوا حاجات مغلفة ولطيفة»، مضيفة «فيه كمية لحمة فاسدة في السوق لا بأس بها، ويا ريت ما نسترخصش وما نصدقش أي عربية ماشية في الشارع مكتوب عليها ضد الغلاء».