احتفلت قرية قري شبرا ملكان، بمركز المحلة في محافظة الغربية، بحصول الطالبة فل حسن محمد أبوشادي، على المركز الأول على مستوى الجمهورية علمي علوم بالثانوية العامة، بمجموع 409.5.
أخبار متعلقة
وقالت «فل»: «الحمد لله ربني حقق حلمي بدخولي كلية الطب وكنت بذاكر 8 ساعات يوميًا، وإن شاء الله أقدر أساعد الغلابة، وبابا كان بيناديلي من صغري ويقولي يا دكتورة» وأضافت: «أنا كنت دايما ببقي حريصة على المذاكرة وبروح دروسي في مواعيدها، ودايما كنت بقوم الساعة 9 صباحا عشان أذاكر وماما وبابا وإخواتي كانوا بيساعدوني في كل حاجة» موضحة سيطرة الحزن عليها بسبب تسريب الامتحانات، وقالت: «الحمد لله كنت متأكدة إن ربنا مش هيضيع تعبي والحمد لله كرمني وبقيت الأولى على الجمهورية».
وتابعت «فل حسن»، «المذاكرة شىء أساسي في حياتي، كنت برجع من خارج البيت بعد دروسي ادخل أوضتي وأقفل على نفسي، وكنت حريصة على أداء الصلاة في موعدها».
وقال حسن أبوشادي، موظف بمديرية الأوقاف بالغربية، إن نجلته الكبري «فل» تعهدت أن تحصل على ترتيب متميز على مستوي الجمهورية، قائلا: «من جد وجد ومن زرع حصد فهي نعم الابنة وربنا يباركلي فيها وإخواتها مريم ومحمد».
وقالت هدي عبدالسلام البطل، ربة منزل، والدة الطالبة، «الحمد لله ربنا كافئنا أنا وأبوها وإخواتها على تعبنا معاها، وهي كانت دايما عارفة أن سلاحها في الحياة هي مذاكرتها، وإن شاء الله هتبقي دكتورة».
