وجه الفنان أحمد آدم، رسالة من خلال برنامجه «بني آدم شو» والمذاع على قناة «الحياة» إلى السيناريست تامر حبيب، بعد انتقاد الأخير له قائلًا: «يخرب بيت سهر الليالي، يعني قبلها مكناش بنسهر الليالي، وحبيب كان عضو في لجنة تحكيم برنامج (الراقصة)، أستاذ تحكيم يا بيضا درجة أولى، لقيته بيعلق على رقص متسابقة، ويقولها إنتي بترقصي حلو بس ناقصك الهوبا».
أخبار متعلقة
وأضاف: «ده انت يا راجل سيناريست، دايما لما حد ينتقد فيلم أدامك تتفلسف وتقول متحكمش على أي فيلم من غير متشوفه، تروح تحكم على الحلقة بتاعتي من البرومو وأنت مؤلف ومبدع تبقى إنت مصيبة، ولو اتفرجت على الحلقة ومتمسك إنني أهنت حلب يبقى مصيبتين».
وقال «آدم»: إحنا عارفين أن الدولة في حالة حرب، وكلنا معرضون للخطر.. وعندى استعداد أموت في سبيل البلد..علشان أنا بعشق ترابها.. واللى في قلبى على لسانى.
ووجه «آدم» الشكر لفضائية «الجزيرة»، القطرية، قائلا: «أنا بشكرك علشان عرفت أثبت للناس أنت بتفبركى الأخبار، وبتضحكى علينا».
وأكد الفنان أحمد آدم، أنه لم يقصد إهانة الشهداء في حلب أو السخرية منهم، مشيرا إلى أنه هاجم قناة الجزيرة وتركيا فقط.
وقال آدم: «مش ممكن أتريق على شهداء.. وأنا مش كوميديان غبي، ولو عملت كدة الجمهور عمره ماهيضحك على اللي بقدمه». وتابع: «مينفعش تتريق على أي فضيلة، لأن التريقة علشان تجيب ضحك لازم تبقى على الرذائل.. مينفعش تتريق على الكريم لكن ممكن تتريق على البخيل، ومينفعش تتريق على واحد صادق أو شجاع أو أمين». وواصل: «الشهداء ربنا كرمهم من فوق 7 سماوات وقال أحياء عند ربهم يرزقون».
وسخر الفنان أحمد آدم، من السيناريست تامر حبيب،
