يا دين يا سياسة ارسوا على حل يكون أخير
دا الخلط يا ناس ما بينهم هو الخطر الكبير
دا مصير أمة وشعب وهى دى القضية
بصراحة يا جماعة
دا قرار محتاج شجاعة
مش رؤية هلامية
بقالكو زمان فى حيرة
والدين عملينوا سيرة
من عهد الملكية
اهدوا وصفوا النوايا
وبصوا فى المراية
عايزين نرتاح شوية
ماحناش حمل السخافة
إنسوا حلم الخلافة
والأحزاب الدينية
بالعقل وبالحساب
صاحب بالين كداب
دعوية أو سياسية
شبعنا كر وفر
إرسوا بقى على بر
والدستور مرجعية
لو طمعانين فى حكم
وسلطة وحرق دم
فعليكو بالسياسة
ولتحيا الجمهورية
ايمن مصطفي
مواليد1957
نشرت قصائده فى مطبوعات مختلفة .
