مش هى دى النهاية، ولا دى حلاوة روح.. وشعب انكتب عليه الحصار فى وطنه يعيش غريب مجروح.. ورد الجناين دبل وريحة الموت منه تفوح.. وبلابل على الأشجار تبكى مجد، وعلى حطين وعين جالوت تصرخ وتنوح.. وبيوت تتهدم ورضيع يتيتم، والأم والأب دمهم مسفوح.. وكلاب بتنبح وذئاب بتنهش فى جسد عربى مستباح مسموح.. اتحرق غصن الزيتون، وسال الدمع من العيون.. وحمام السلام على باب السلام مصلوب مدبوح.. فى غزة الفرجة ببلاش، على دم وسكوت رخيص مفضوح.. لكن أرض الكرامة والعزة مش هتخضع، وبكرة أنفاقها بالسر تبوح.. يا أيها النتنياهو، ويا أيها الأوباما مش هى دى النهاية.. ما دام فى القلب نبض، ولسه فى الجسد روح.. ولا اللى انكسر فى النفس هيتصلح، ولا دم الشهيد هدر هيروح!.
سيد الفايد- حلوان
