أنصار مبارك يطلقون حملة لتكريمه: «إحنا شعب أصيل مش ناكر الجميل»

حصلت «المصري اليوم»، على نسخة من المنشور، الذي يوزعه أنصار مبارك، تزامنا مع جلسة إعادة محاكمته في قضية قتل المتظاهرين، مرسومًا عليه صورة لوجه الرئيس الأسبق مرتديًا الزي العسكري ومكتوب عليها «حملة تكريم الرئيس مبارك».

وذكر المنشور: «عشان تاريخه العسكري والسياسي..عشان بطل من أبطال حرب أكتوبر المجيدة، عشان رجع أرضنا وحررها ورفع علم مصر وحلف أنه لن ينتكس أبدًا، عشان فضل يخدم مصر لأكثر من 62 سنه، عشان الأمن والأمان والاستقرار والاقتصاد اللي فقدناه بعده، عشان هيبة وكرامة مصر اللي حافظ عليهم 30 سنة، عشان مشروعات كتيرة جدًا، عشان الطرق، عشان الكباري، عشان المدن، عشان المصانع، عشان بنى أقوى وأعظم جيش في المنطقة، فلولا جيشنا لضاع الوطن، عشان إحنا شعب أصيل مش ناكر الجميل».

واختتمت الورقة: «محمد حسنى مبارك، لم يأمر بقتل أبناء شعبه، وهو الذي أفنى عمره دفاعًا عن مصر وأبنائها، رجل قضى حياته مقاتلا شريفًا، هكذا تعاليمه وعقيدته منذ تخرجه من سلاح الطيران، لذلك أطالب أنا الموقع أدنه وبكامل إرادتي بتكريم الرئيس مبارك على ما قدمه لهذا الوطن حربًا وسلامًا».