جمال الغندور: لا مشاكل مع التوأم..ولا نهتم الدورى سيذهب لمن

نفى جمال الغندور، رئيس لجنة الحكام الرئيسية باتحاد الكرة، وجود أي مشاكل مع التوأم حسام حسن، المدير الفنى للمصرى، موضحا أن ما أثير خلال الفترة الماضية ليس له أي مبرر، في إشارة منه للخلافات التي لحقت مباراة المصرى وسموحة.

وكشف الغندور،في مداخله هاتفيه مع ملعب 9090، على الراديو 9090 حقيقة ماحدث في المباراة مؤكدا أنه حدث أمام الجميع، ومن الأمانة أن يكتب الحكم تقريره بأمانة شديدة، وكمان الحكام بيرسلوا تقاريرهم فور انتهاء المباراة مباشرة، حيث إنها لا تكتب بخط اليد ولكن على الكمبيوتر.

وأضاف رئيس لجنة الحكام قائلا :«أنا مش عارف الكابتن حسام حسن عاوز إيه بالظبط، كنا في دورة تدريبية عن التحكيم، وضربنا أمثلة عن لاعبين كتير ومنهم لاعب من المصرى إنه بيتحايل على الحكام، إحنا بندرس حالات تحكيمية من كل الأندية وعلى كل اللاعبين وتابع رئيس لجنة الحكام:»مش عارف أفهم إيه الخطأ في الكلام ده، وكمان مفيش مشكلة خالص مع التوأم، ومفيش منافسة ما بينا في أي حاجة، وشايف أن الأمور بتتطور بشكل غير طبيعى، مع أن الأمور عادية جدا«.

وواصل: «عموما ده موسم الضغط على الحكام، وإحنا عارفين ده كويس وفاهمينه، وإحنا مش في دماغنا، واللى إحنا عاوزينه وشايفينه هنعمله، واللى ياخد الدورى ياخده، بمجهوده مش على حساب الحكام»