أرض ربك هتنول وهتجاور ف الجنة الرسول.. يا اللى تكفل يتيم وتبقى عنه مسؤول.. اللى من الأب أو الأم محروم.. مش محتاج مال وهدوم.. محتاج حضن يفضل فيه مضموم.. اليتيم حتة منك بتكمله ويكملك.. وعلى قد رضاه عنك ربك هينولك.. لا بكلمة يوم تجرحه أصله كتير حساس.. وأكتر حاجة تفرحه حبك ليه بإخلاص.. خليك قريب منه مهما الدنيا شغلتك.. ولا تبخل أبدا عنه بمالك وحنيتك.. مش بس يوم عيده ف كل أيام السنة.. طول ما إيدك ف إيده أيامك هتبقى كلها هنا.. وهتضحكلك ديما الحياة لو رسمت البسمة ع شفيفة.. وهيبقالك ف الأخرة طوق نجاة لو الفرح وياك كان شايفه.. كون ليه سند وقت ما يحتاجك هتلقى أوام المدد من ربك جالك.. غير حسنات ملهاش عدد وهيبارك ف مالك وعيالك.
مصطفى سيدعبدالسلام. الدلاتون. منوفية
