ليه حافظة فى عقل بالك
تواريخ كل اللى ماتوا
وفى ذكراهم تصرى
من تانى نعيد حدادهم
وتقصى فى حكاياتهم
وكأن العمر كله
برواز بشريطة سوده
أو واحدة طافية نورها
فى ضلوعها توبها الأسود
وبتستكبر تزغرط
لما العيل بيكبر
وبينجح فى ابتدائى
ما تقومى بينا نفرح
إن شالله فرحه زايفة
أو فرحة لحاجة هايفة
دا أنا نفسى بتحايلنى
أكسر برواز حدادك
وأنزع منه الشريطة
وفى أحلامى العبيطة
هاتحزم بيها وأرقص
