أعربت الفنانة منى زكى، عن سعادتها بحصولها على أفضل ممثلة في مهرجان «السينما العربية»، بالإضافة إلى سعادتها بردود فعل الجمهور خاصة تجاه صورة احتضان زوجها أحمد حلمي لها قبل تسلمها الجائزة.
أخبار متعلقة
وأضافت خلال مكالمة هاتفية في برنامج «راديو سكوب» الذي يذاع على راديو 9090: «أنا معرفش ليه حصل الانفجار ده، ولكن الطبيعى إن هو جوزى وهو يفرحلي، وأنا كنت فرحانة بزيادة وأحمد جوزي وبيساندني، وممكن الناس بقالها كتير في ظروف مش لطيفة، وشوية أحداث مش لطيفة الناس بقالها كتير مشافوش حد ممكن يكون انبسط أو حد بيظهر امتنانه وحبه يمكن ده حصل وأنا شايفاها حاجة عادية مش غريبة، وشرف لينا أكيد احنا مبسوطين بحب الجمهور لينا وبنقدره وبنحترم.
وعن أبرز ردود الأفعال قالت: «انبسطت من كلام بنوتة كانت كاتبة منى زكى مش أحسن منك واتكلمت عن الراجل اللى المفروض يكون سند، وشايفاها حقيقة البنت المفروض تتجوز المفترض تتجوز عشان حبت شخص لإن هو ده الشخص الحقيقى كل حاجة بتروح بعد مدة إنما العشرة الحلوة هي اللى بتفضل عشرته حلوة معناها إن في ثقة واحترام وحوار متبادل وحاجات كتير.
