وجه الإعلامي، أسامة كمال، مقدم برنامج «القاهرة 360»، سؤالا للمهندس شريف إسماعيل، رئيس الوزراء، الذي يلقي بيان الحكومة بمجلس النواب، اليوم الأحد، قائلا «بأمارة إيه يكون للنواب طلبات أصلا؟ مش كنا بطلنا الحكاية دي؟ هو مش المفروض إن المسؤولين التنفيذيين يعملون داخل خطة ما ينفعش تتغير حتى لو كان النائب معاه حق؟ هو ليه في ناس تتعاقب لأن نائبهم يرى أن دوره التشريع والرقابة فمش هيطلب حاجة من الحكومة، وناس تانية تتهنى عشان النائب بتاعهم شايف إنه نائب خدمات فهيطلب ويطلب ويطلب؟».
أخبار متعلقة
وأضاف «كمال»، خلال برنامجه المذاع على شاشة فضائية «القاهرة والناس»، مساء السبت: «يا دولة الرئيس ليس من مهمة النائب أن يطلب ذلك حتى لو كان على حق، ولا من مهمة الحكومة أن توافق بتأشيرات حقيقية أو مضروبة وإلا الكلام ده هيكون معناه إن الحكومة هتشتغل لو النواب طلبوا ولو ما طلبوش الحكومة هتنام».
وتابع «كمال»: «بأقول لدولة الرئيس أنا أدرك أن الكلام غير واقعي ولا حد سيأخذ به».. وتسائل «لو دولة رئيس الوزراء قعد مع كل النواب وناقش معاهم برنامج الحكومة، مضيفا أن النواب بكرة هيسمعوا منه إيه بالظبط؟ طب إيه اللي حا يحصل لو النواب ما سمعوهوش من رئيس الحكومة بكرة ممكن يرفضوا على أساسه بيان الحكومة؟».
