قال محمد بركات، لاعب الأهلي السابق، إن مشوار الدوري مازال طويلًا، مؤكدًا أن المنافسة قوية بين القطبين هذا الموسم للفوز باللقب.
أخبار متعلقة
وأضاف«بركات»، خلال لقاء أجراه مع برنامج «مع شوبير»: «الأهلي متصدر بطولة الدوري بفارق 5 نقاط، لكن الدوري لسه بدري عليه، فيه مباريات بيظهر فيها بشكل قوي زي الزمالك وإنبي، وفيه ماتشات رجع شوية، خصوصا ماتش المحلة، اللاعيبة كانت هادية أو حاسين إن النقاط مضمونة، لاعيبة المحلة كانوا رجالة، وده درس للاعبي الأهلي، إن كل مباراة لازم تتعامل إنك بتلعب أمام الزمالك وإنبي وبشكل رجولي».
وتابع: «لازم نعترف إن الدوري مش معمول للأهلي، والزمالك حاليًا غير أي فريق سابق، الأهلي بإيده إنه يحسم الدنيا بدري، ولو استسهل في مباريات زي المحلة، هايبقى فيه مشكلة لأن الزمالك قادر إنه يرجع ويكسب مفيش حاجة مضمونة».
