أبدى سمير حلبية، رئيس النادي المصري البورسعيدي، استيائه من أزمة الملعب الذي سيستضيف مباراة فريقه أمام الأهلي، والمقررة الثلاثاء المقبل.
أخبار متعلقة
وقال منفعلًا خلال مداخلة هاتفية ببرنامج «ساعة رياضة» مع الإعلامي إبراهيم فايق، مساء الأربعاء: «عايزين نعمل صداقة مع أي دولة أجنبية علشان نلعب المباراة بملاعبها، أنا شايف إن كده كتير أوي، أنا بقول نلغي الدوري لغاية ما يبقى فيه أمن وفيه قانون ونلعب بجمهور».
وتابع: «لكن بالطريقة دي يتقال هانلعب في برج العرب ويترفض، لا هانلعب في أسوان ويتقال لا، ومع كل تصريح من اتحاد الكرة بنروج نحجز فندق ونحجز ملاعب ونحجز طيران، مش عارفين هانلعب ولا لا، أنا بقول ادوا الأهلي 3 نقاط واحنا 3 نقاط ونلغي الماتشين».
وأضاف: «لو عايزين يلعبوا في مختار التتش معنديش مشكلة. معندناش مشكلة نلعب في أي استاد في مصر، اللي عاوزين نوصله إن دي كورة مش داخلين حرب، اللي حصل قبل كده كانت ظروف سياسية لا الجمهور ولا اللاعيبة ولا النادي المصري له دعوة بيها».
