علقت الفنانة شيرين عبدالوهاب، على دعوة الفنان فضل شاكر لها بلبس الحجاب، مؤكدة أن الإنسان لا يتاجر بعلاقته مع الله، وأنها حب الناس لها دليل على حب الله لها.
أخبار متعلقة
وأضافت في وارها مع الإعلامي وائل الإبراشي، في برنامج «العاشرة مساء»، على قناة «دريم»: «فضل عمره ما تدخل في حياتي الشخصية وعمره ما كان شايفني إننا ماشية في طريق غلط، وبعد حفلة (ستار أكاديمي) الأخيرة قاللي غنيتي حلو والله على إحساسك ومكنش عنده تعليق على لبسي ولا على أي حاجة تانية، وكل واحد فينا عنده حاجات صعب التاني يتدخل فيها، وفيه حدود».
وتابعت: «والله أنا سمعته زيي زي الناس وعمره ما قالهالي شخصيا، ولازم من مكاننا الفن اللي بنقدمه لازم يكون فيه شيء للحق، يعني لما بنطلع نغني أغنية للأخ أو للأم، أنا مش بشوفها حرام، ولو ربنا ما بيحبنيش مش هيكرمني بكم الحب اللي بشوفه في الوطن العربي كله وفي العالم، وأول ما أحس إن اللي بعمله مالوش قيمة بالنسبة لي هبطل أعمله ودا شغلي وبقدمه على أكمل وجه، وبحبه جدا ودا مش معناه إنه لما تيجي عليا صلاة الجمعة مش بتوضا وأصلي زي الناس علاقتنا بربنا دي حاجة خاصة جدا ومش هنمشي نتاجر بيها».
وكان الفنان فضل شاكر دعا في حوار أجراه مؤخرا، الفنانين إلى أن يعملوا لدينهم وآخرتهم وقال: «نصيحة اشتغلوا في دنيتكم لآخرتكم»، متابعا: «أنا قلت لشيرين اتحجبي، وقالتلي هشتغل على الموضوع وهتحجب، وما كلمتش حد تاني».
