ميدو لرئيس الزمالك: «إنت محدش علمك تحترم الناس وأنا هعلمك إزاي تحترمنا»

كشف أحمد حسام «ميدو»، المدير الفني السابق لنادي الزمالك، أن رئيس النادي كان السبب المباشر في تدهور حال النادي واللاعبين الفترة الماضية.

وقال ميدو في تصريحات لقناة «الحياة 2»، مساء الجمعة: «قوة شخصية رئيس الزمالك كانت تؤثر على الخصوم بالفعل، ولكن هناك شعرة بين قوة الشخصية وأن تمثل ضغط على الناس اللي معاك.. مرتضى له مزايا كبيرة جدا استفاد منها الزمالك ولكن وضع ضغوط كبيرة جدا علينا، ومش عايز أتكلم بالتفصيل وسأتحدث في الوقت المناسب وأقول كل حاجة وظروف عملنا وكيف رحلنا أنا وحازم».

وشدد: «أوجه رسالة لرئيس الزمالك، مش ميدو وإمام اللي يتم إقالتهم على الهواء وقلت نفس الرسالة لأولاده.. الفريق بيمر بمرحلة صعبة جدا».

وشدد: «للمرة الثانية أوجه رسالة لرئيس النادي (مش ميدو وحازم اللي يتم إقالتهم ويتم التعامل معهم بقلة احترام، كله بالاحترام بيمشي.. وأقل شيء نستحقه بعد اللي عمله ميدو وحازم والتضحية من أجل النادي على الأقل تقدير، يكلمنا يقول لنا، ولكن يرسل رسالة على الهواء للمذيعين وإحنا كنا داخل الغرقة ويقول إنه أقالنا هذا غير مقبول، وأقول له يا مرتضى يا منصور قرارك والخطوة التي فعلتها لن تمر مرور الكرام».

وأتم: «أقول له: إنت محدش علمك تحترم الناس وأنا هعلمك إزاي تحترمنا».