إسلام جمال: الغل أمام الزمالك؟ «كنت راجل» (فيديو)

أكد إسلام جمال، مدافع فريق الإسماعيلي، والمعار من نادي الزمالك، أن هدفه في مرمى الزمالك، جاء بهذه الطريقة لأنه لاعب «راجل» في الملعب.

وقال إسلام في تصريحات لقناة الحياة: «من كتر زعلي أنا ما فرحتش، لأني زعلت إن الزمالك خسر، ومبسوط أن الإسماعيلي الفريق الكبير اللي أنا فيه كسب».

وأكد: «اللي زعلني إن جمهور الزمالك جاء عليّ جدا، ولازم الناس تفهم أن في فرحة غير الفرحة، أنا لما أحرزت الهدف كنت مبتسما لأن ده طبعي، والناس مكبراها، ومكنتش مغلول ولا حاجه زي ما الناس فهمت».

وعن عدم ظهوره بنفس المستوى مع الزمالك، أبرز: «عندما كنت ألعب مع الزمالك، كنت أتواجد في مباراتين وأخرج من القائمة في المباراة الثالثة، وذلك يؤدي إلى عدم ثبات المستوى، عكس ما يحدث في الإسماعيلي».

وعن علاقته بالنادي الأبيض وزملائه، قال: «الزمالك بيتي وأنا موجود فيه وسأعتزل بقميصه، وكل لاعبي الزمالك أصحابي وعشرة عمري، وبالمناسبة أنا كلمت كلمت حازم إمام، كابتن الفريق، وقالي ما تزعلش من الناس، أنت لاعب راجل وأديت واجبك مع فريقك، وأنت مكنتش مغلول ولا حاجة زي ما الناس فاهمة».

وأتم: «اقول لجمهور الزمالك، ما تزعلوش مش قصة 3 نقاط راحت لسه الدوري طويل، وإن شاء الله الزمالك يهزم الأهلي، وما تزعلوش مني لأني بلعب مع فريق كبير اسمه الإسماعيلي».