متحدث «الإسكان» لمواطن يشكو: «الكمبيوتر هو من يختار الشقة وغيرك ماخدش»

عرضت الإعلامية مروج إبراهيم خلال حلقة برنامجها «كلام الناس» المذاع على قناة «سي بي سي اكسترا»، زيارة الرئيس السيسي وعدد من قيادات القوات المسلحة وكبار الدولة لمجموعة من الوحدات السكنية والتي تم افتتاحها اليوم، عقب ذلك سمحت لمشاهدى البرنامج بالاتصال للتواصل مع المتحدث باسم وزارة الإسكان هاني يونس والذي تم استضافته تليفونيا من خلال البرنامج.

وقال أحد المواطنين المتصلين بالبرنامج موجهاً حديثه لمتحدث وزارة الاسكان«أنا قدمت في الوحدات السكنية اللي أعلنت عنها الدولة وأخدت شقة بس كانت دور أرضي، روحت لوزارة الإسكان علشان أخد دور عالي أشترطوا عليا أن أكون تعبان وبعاني من أمراض علشان أخد دور عالي».

فرد عليه متحدث وزارة الاسكان هاني يونس، «إحنا بنخلي الكمبيوتر هو اللي يختار عشوائي، علشان الكل عايز ياخد دور تالت أو تاني، وأنت مش تعبان خليك مكانك في غيرك لحد دلوقتي مخدش وحدة سكنية»