انتقد الإعلامي باسم يوسف، منع جمال عيد، مدير الشبكة العربية لحقوق الإنسان، من السفر من قبل سلطات المطار.
وقال «يوسف»، في حسابه الخاص على «تويتر»: «أنا في منتهى السعادة أن جمال عيد واحد من النشطاء الحقوقيين اتمنع من السفر، مصر الآن أكثر أمانا. اقفل على مصر يا ريس»، وتابع: «مبسوط قوي إن بالرغم ان مافيش تهمة أو جريمة ارتكبها جمال عيد ان تم منعه من السفر. قانون ايه ودستور ايه؟ ماحدش فاضي للكلام ده، اقفل عليها يا ريس».
أضاف: «مش محتاجين أي تهمة لمنع شخص من السفر أو الدخول لمصر أو للسجن اللي احنا عايزينه. جمال عيد لازم ينقبض عليه مش بس يتمنع من السفر. ليه؟ اهو كده، اذكر سبب منع جمال عيد من السفر كان معاه بلالين (مشيها بلالين)، لا يملك تصريح صفحة فيسبوك، اهو غلاسة كده».
كان قد أعلن «عيد» أنه تم إصدار قرار بمنعه من السفر دون إبداء أسباب، صباح الخميس، لدى توجهه إلى مطار القاهرة الدولي، وكتب «عيد» على حسابه في «فيسبوك»: «صدر القرار متأخرا لكن صدر، تم منعي من السفر وراجع من المطار. دولة القانون».
