علّقت الفنانة نيللي كريم، على الفيديو الذي نشره أحمد مالك، مشيرة إلى إنه إنسان موهوب وصادق وحساس، وأنه أخطأ واعتذر.
أخبار متعلقة
وأضاقت «كريم» عبر صفحتها على «فيس بوك»: «معلش أنا اتأخرت على كلامي عن أحمد مالك اللي بعتبرة زي أبني، دي صورة من فيلم (اشتباك) اللي قعدنا نصور فيه شهور، وكلنا مع بعض في عربية ترحيلات، وشرط الفيلم ده إن كان لازم نكون مع بعض طول الوقت، سيبك إن أحمد فنان موهوب، وليه مستقبل كبير علشان هو فنان حساس وصادق، أهم شيء إن هو إنسان حقيقي، يعني صادق بيعمل اللي بيحسه».
وتابعت: «أحمد غلط واعتذر، طيب أنتم مافيش حد فيكم غلط قبل كده! مافيش حد من عيالة وأخواتك أو أصحابك غلط قبل كده! كلكم فجأة بقيتوا ربنا! ما تفكر دقيقة قبل ما تحاكم حد، أقعد مع نفسك واستغفر ربنا قبل ما تكتب كلمة عن حد، ما تعرفوش بجد! يا ساتر عليكم يا ناس».
وواصلت: «أحمد أنا سعيدة إني اشتغلت معاك، وأنت عامل دور جامد في فيلمك الجديد (اشتباك)، وإن شاءالله نشتغل مع بعض تاني وخامس».
