قدّم الفنان أحمد مالك اعتذاره على خلفية نشره فيديو مُسيئا للشرطة قام به هو ومراسل تليفزيوني، وأكد أن ما فعله هو فكره متهورة.
أخبار متعلقة
وأضاف «مالك» عبر صفحته الرسمية بـ«فيسبوك»: «بعتذر بشدة لكل شخص أساء إليه الفيديو، خاصة الشرطة، الفيديو فعلاً فيه تجاوزات لم اتوقع أنها تخرج بره دايرة الأصدقاء وده مش مبرر على الخطأ».
وتابع: «أنا عمري عشرين سنة وساعات في السن ده الأفكار المتهورة بتسبق التفكير العقلاني وللأسف الغلطات دلوقتي بقت مسجلهة ومصورة وده بيديها عمر وحجم أكبر من حجمها الحقيقي، دي لحظه تهور ولحظة مش محسوبة وفعلاً ندمان عليها وحاولت مسحها ولكن كنت فوجئت بأنها انتشرت قبل ما اقدر أنقذ الموقف».
وواصل: «يمكن الموقف ده كله نابع من إحباط عدم القدرة على التعبير عن الرأي اللي جيلي حاسه الأيام دي بس برضه ده ميدينيش الحق اني اتجاوز أو أعبر عن رأيي بطريقة متجاوزة في حق الآخرين، أكتر حاجة مضيقاني إنه هيتم استخدام اللحظة دي لتشويه الثوار والثورة ومقدرش ألوم حد في النقطة دي إلا نفسي اللي الإحباط عماها».
واختتم: «أتمني من الجميع إنهم ميتعاملوش مع اللحظة دي على إنها بتلخصني ويتعاملوا معاهالاعلى أنها لحظة عابرة لن تتكرر مره أخري، بعتذر».
