قال الرئيس عبدالفتاح السيسي، إن البرلمان رفض أحد «قوانين الإصلاح»، في الوقت الذي يطالب فيه الجميع بمزيد من التقدم، في إشارة إلى قانون الخدمة المدنية.
أخبار متعلقة
وأضاف «السيسي»، خلال كلمته في عيد الشرطة، وذكرى ثورة 25 يناير، السبت: «لما يُعرض قانون للإصلاح، والنواب ميقروش، حاضر مفيش مشكلة، لكن خلي بالكم إنتوا بتطالبوني بالإصلاح والتقدم، وضريبة دا مش سهلة، لا، فقبل ما نقول كلمة لازم ندرس كويّس».
وأوضح: «مصر عندها ما يقرب من 7 ملايين موظف، مصر محتاجة مليون، الـ6 موجودين معانا لأن ورا منهم أسر، ومرتبه هيقل، لا، وده تاني اعتبار، والظروف الاقتصادية للدول سيئة، أمال لو قلتلكم تعالوا نتنازل شوية لأجل خاطرها هتقولوا إيه؟».
وتابع: «الدول لا تتقدم بالشعارات والمزايدات ولكن بالعمل والصبر والتضحية، قولتلكم تعالوا نتنازل عشان خاطرها، مصر دي أمانة في رقبتنا».
ووجّه رسالة إلى المصريين قائلًا: «حملتوني المسؤولية، وأنا لوحدي مقدرش عليها، لوحدي مش هقدر قولتلكم كده، هنقدر كلنا مع بعض».
