قال الإعلامي يوسف الحسيني إن الجلسة الأولى لمجلس النواب هي بداية النهاية، مضيفا «البرلمان ده أغرب واحد، وهينافس برلمان الإخوان اللي فات في فشله، مرتضى منصور، اخترع قسم جديد، وقالك في مواد في الدستور مش عجباني ومش هحلف عليها، للأسف ما يحدث في الجلسة الأولى شيء مؤسف».
أخبار متعلقة
وتساءل «الحسيني»، في برنامج «بصراحة»، على إذاعة «نجوم إف أم»، مساء الأحد، أن «هل نواب البرلمان متأكدين أن توفيق عكاشة حاصل على درجة الدكتوراه؟»، مضيفًا: «إزاي المستشار بهاء أبوشقة يقول يا دكتور توفيق من غير ما يتأكد أن ده أصلًا دكتور».
وذكر أن «الشعب اختار في مجلس 2011 الإخوان والجماعة الإسلامية والسلفيين، والإرهابيين وبعدها الشعب نزل ضده، والشعب اختار بعدها محمد مرسي العياط رئيسًا، وخرج في 30 يونيو لإسقاطه، وبرده الشعب خرج لاختيار البرلمان الحالي، وأنا برده مش عجبني الاختيار لأنه برلمان مؤسف».
واعتبر أن البرلمان الحالي «هياخدنا ويغطس لتحت في المحيط الهادئ»، مضيفًا: «الجلسة الأولى في هرج ومرج كتير مش عارف أية ده، ده برلمان مؤسف».
