احتفالاً برأس السنة الجديدة، اختار عدد من طلاب جامعة القاهرة إنهاء عام 2015 بطريقة مختلفة، حيث أعلن طلاب بكلية التجارة عن تنظيم «مهرجان البوسة» بساحة الكلية، الخميس 31 ديسمبر.
أخبار متعلقة
وقال الطلاب، عبر صفحة على موقع «فيس بوك»: «دلوقتي هنعمل حاجة إحنا شايفنها صح إننا ندعى كل اتنين مرتبطين أو مخطوبين عشان يعبروا عن حبهم لبعض سواء من خلال هدية أو أقل حاجة ممكن تتعمل للإنسان اللي بنحبه وهى البوسة على خده».
وأضاف الطلاب: «محدش هيقدر يمنعنا إحنا هنرفع شعار أنهي 2015 ببوسة لأغلى حد عندك حتى لو من بعيد هننهي السنة ببوسة لبعض وتعبير عن الحب لأقرب وأعز الناس علينا واللي مش عاجبه يخبط دماغه في الحيط»، على حد قولهم.
من جانبه، قال حسن سعدة، مدير عام رعاية الشباب بجامعة القاهرة، في تصريحات لـ«المصري اليوم»، الأربعاء، إنه لا يوجد أي نشاط أو فعالية داخل الجامعة بهذا الأمر نهائيًا، موضحًا أن الموضوع لا يخرج عن كونه دعابة على مواقع «فيس بوك».
وأشار «سعدة» إلى أن الجامعة ترفض هذه الأنشطة وتراعي القيم والتقاليد والعادات المجتمعية في جميع أنشطتها.
