سخر الإعلامي عمرو أديب، من التصريح الذي صرح به وكيل وزارة الصحة، الدكتور علاء عثمان، عن عدم صلاحية لبن «البقرة الغريبة» بمركز الرحمانية بمحافظة البحيرة للاستخدام الآدمي، قائلًا: «من أكتر من أسبوعين مصر مش وراها غير البقرة المبروكة، والراجل وكيل وزارة الصحة ساب البلد كلها ومسك في لبن البقة المبروكة، شايفين الدولة بتتحرك إزاي؟، يعني لو قولتلهم في واحد عيان ولا هيعبروا أهله، إنما البقرة المبروكة يتعملها تحليل وبعثة عشان يكشفوا عليها».
أخبار متعلقة
وأضاف «أديب»، خلال برنامجه «القاهرة اليوم»، على فضائية «اليوم»، مساء الأحد، قائلًا: «وزارة الصحة عاملة فريق عمل مخصوص للبقرة المبروكة، عارفين في طوابير قدام المستشفيات لمرضى فيروس سي بس كام واحد؟، ياجماعة جايز البقرة دي تكون هتحل مشاكل مصر، وجايز لما تمسك الحتة اللي في البقرة اللي بتنزل لبن ربنا يكرمك، أنا سعيد جدًا باهتمام الدولة بموضوع البقرة، وياريت بقى كمان الدولة تستوردلنا بقر تاني، عشان نحسن السلالة ويبقى عندنا عجول صغيرة تبقى برضوا مبروكة، ونعالج بيها فيروس سي، طيب عندكم بقرة تعالج الصلع أو القدرة الجنسية ولا الغباء أو الجهل».
