هاجم الفنان سناء شافع، سارة طارق، أرملة الفنان الراحل سعيد طرابيك، على الهواء، في برنامج «العاشرة مساء» على قناة «دريم»، قائلا: «حديثك عن سعيد، بيوجعنى، لأنه جزء كبير من عمرى، وملكيش في سعيد قدي، وأهله ملهمش فيه قد ما أنا ليا فيه، وابعدى عن مجال التمثيل».
أخبار متعلقة
وأضاف «شافع» في مداخلة هاتفية مع الإعلامى وائل الإبراشى، مساء الأربعاء: «ملف الحديث عن سعيد طرابيك في الإعلام لازم يُغلق، ابعدي يا سارة عن مجال التمثيل، والإساءة بالسخرية لكل الناس دي، بلاش تخلينا نكرهك، أنتى لازم تسكتى وممنوع تفتحى بوقك بكلمة».
وتابع، قائلا: «يا سارة أنا قديم في الوسط الفني جدا، و90 % من ملفات فتيات الوسط الفني عندي، بلاش نفتح في ملفات ممكن تبقى ضدك، وأنا أكبر من سعيد وأفهم في الناس كويس، وخلى بالك شوية، واعلمى أنك تتحدثى، مع شخص بحجم سناء شافع، لن انزلق لـ(شغل) اللي بتعمليه على الهواء ده، واوعى تردى عليا، وخلى بالك الملف ده لازم يتقفل».
