السيسي عن «الإعلام»: «مش بتقولوا كل حاجة فيها كارثة هو القطاع ده مفيهوش؟!» (فيديو)

وجه الرئيس عبدالفتاح السيسي، اللوم لأحد الإعلاميين، ولم يسمه، بسبب هجوم الإعلامي عليه أثناء تغطية «غرق الإسكندرية بمياه الأمطار والسيول».

وقال السيسي في كلمة له بندوة تثقيفية نظمتها القوات المسلحة، الأحد: «أحد الإعلاميين يقول عني (الرئيس قاعد مع سيمنز وسايب الإسكندرية) ميصحش كده، إحنا بنتجاوز في كل حاجة، إيه الشغل ده؟».

واحتد السيسي في حديثه، مضيفا: «أنتوا بتعذبوني هنا واللا إيه، إيه.. الدولة هتضيع إحنا بالطريقة دي بننشر جهل ومش بننشر وعي حقيقي، كأن المسائل بتتحل بندوس على الزرار وخلاص».

وتابع: «مش بتقولوا كل حاجة فيها كارثة هو القطاع ده (قطاع الإعلام) مفيهوش كارثة واللا إيه؟، خلوا بالكم أوعوا تخلوا الناس تفقد الأمل».

وواصل: «أنا مش زعلان، والمرة الجاية هشتكي للشعب المصري منكم، وليا سنتين قولولي أسأت لمين، هاتولي لفظ غير مناسب قولته، حتى اللي بيهاجموني وبيتأمروا علينا، إحنا بنعمل مع بعض إيه بقى، أرجو نخلي بالنا من النقطة دي».