اللى خاف يروح ميدانك.. واللى ما تهانش فى يوم عشانك.. واللى ما تحملش قسوة زمانك.. وقهر النظام وسنين مبارك.. ما افتكرش يكون له حق، أو مكانة فى الريادة، والسيادة بين رجالك.. واللى شاف فى يوم دموعك.. لسه فاكر قسوة خضوعك.. واللى شفتيه من شبابك يوم ما راح وحارب هو عزك.. واللى صار حقيقة النهاردة يبقى من حقك ومجدك.. واللى عاش السنين فى القلب محروم، عاش وراضى غصب عنه، بس بيحب حضنك ودارك.. واللى سافر وفات ولاده وحبايبه، شاف بقلبه أد إيه قوة صمودك من خطابك.. واللى عاش السنين ويا الغلابة، مش هاينسى اللى شافه لما غاب العدل فى نظامك.. واللى خان الأمانة، واللى تاجر واللى زايد، واللى هرب فلوسه وكل شقاك.. واللى باعك بالرخيص كان عويل..
أخبار متعلقة
كان خسيس.. واللى زور واستحل الحرام وخانك.. دول حثالة فى كوم زبالة، مش من مقامك.. واللى زاحم وكان له دور وخد مكانك.. واللى استباح دم الولاد من شبابك.. واللى قال هاصونك يا مصر ومش هاخونك.. واللى مزماره من عويلك.. واللى توب فرحه من نخيلك.. واللى عرقه من جبينك.. ارجعيلهم، يرجع الدم لوريدك.. واللى حبك يا مصر، أصله مصرى فى كل وقت وكل عصر.. لو يشرق أو يغرب برضه راجع لحضنك.. مشتاق لأرضك ويموت فى دارك!
محمد عبدالوهاب موسى
