رفضت الإعلامية ريهام سعيد، اتهامات سمية طارق، المعروفة إعلاميًا بــ«فتاة المول»، بسرقة صورها وعرضها ببرنامجها، قائلة «انتي متعرفيش إيه الصور اللي اتبعتت لينا».
أخبار متعلقة
وقالت ريهام سعيد خلال برنامجها «صبايا الخير» على قناة «النهار»، مساء الأربعاء: «محدش خد موبايلها منها زي ما بتقول، عايزة تطلعي بطلة أطلعي بطلة براحتك، تحبي أعرض الحاجات التانية، فيه حد لو هو سوى يحط صور بالشكل ده، أنا مش هتكلم لأني حلفت إني مش هتكلم عشان عندي بنت».
وبررت ريهام ضمن محاولتها لتبرئة نفسها، بأن صور الفتاة ليست شخصية وإنما صور التقطت لها على البحر وفي الشارع داخل سيارة، وقالت متهكمة «أنا ماذعتش صور ليها في الحمام».
وتابعت: «أنا مقولتش حاجة وحشة عنك، أنا قلت إنك جريئة وأكيد عملتي حاجة خليتيه يتحرش، قبورنا كلها هتبقي واحد وأنا هشيل هم اليوم ده، وأقسم بالله أنا سترت عليكي وانتي عارفة كده كويس، وهفضل أستر عليكي مهما عملتي».
