هاجم مرتضى منصور، رئيس نادي الزمالك، مساء السبت، الإعلامية لميس الحديدي لاستضافتها الدكتور عمرو الشوبكي، المرشح لانتخابات مجلس النواب عن دائرة الدقي والعجوزة.
أخبار متعلقة
وقال «منصور»، في مداخلة هاتفية ببرنامج «على مسؤوليتي»، مع المذيع أحمد موسى، إن لميس الحديدي استضافت «الشوبكي» من أجل «غسل سمعته»، ورفضت استضافة أحمد مرتضى منصور، غريمه الانتخابي.
وأضاف: «لو قلت إنتي بتعملي فينا كده ليه الزمالك عمل مصالحة مع الأهلي، وقبل ماتش الزمالك بيوم، جايبة الأستاذ عبدالعزيز عبدالشافي علشان تسأله إنت كسبت الزمالك إزاي؟، إنتي جبتي محمود طاهر بس مجبتيش مرتضى منصور، وإنتي عارفة ليه، وعارفة أنا محامي مين، ولو قلت مش هتنزلي من البيت يا (لميس)».
وتابع: «أنا لو قلت أقسم بالله ما هتنزلي، وأوعي تفتكري إنك بتخوفينا، السيسي ميعرفش الناس دي، هتقولي محمد الأمين، وصاحبه والكلام ده، إنتي عملتي جريمة، لأنك بتحاولي تغسلي سمعة بني آدم، وشاب كلمك علشان يرد على الأكاذيب قلتلهم لأ طنشوه، مش تليفزيون باباكي هو، ده تليفزيون دولة».
بدورها، ردت الإعلامية لميس الحديدي، على ما سمته بـ«تهديدات مرتضى منصور»، وقالت، مساء الأحد، في برنامجها «هنا العاصمة» إنها لا تخاف من أحد ولا تكذب.
وأضافت: «أنا لا أرد على السباب، ولا أرد على المهاترات، ولما أقول إننا كلمنا ضيف علشان ييجي وهو اعتذر فأنا مبكذبش، وأنا مبخافش، لا خوفت وقت الإخوان، ولا من التهديدات، ولا خوفت من القضايا ولا من الضرايب، ولا من أي حاجة، لأن عندي إمان واحد إن ربي بيحميني، واللي هو عايزه هيكون».
وتابعت: «ربي هو اللي بيمشي الأمور، لا في حد مسنودة عليه، ولا حد بيحميني، ولا في أي حاجة، لكني لن أرد على السباب، ببساطة لأن دي تربيتي، وأمي وأبويا علموني كده».
