دعا الإعلامي سيد على، لإلغاء تصويت المصريين بالخارج «توفيرًا للنفقات»، وكذلك لقلة اهتمامهم بالانتخابات.
أخبار متعلقة
وقال «علي»، خلال برنامجه «حضرة المواطن» على قناة «العاصمة»، مساء الثلاثاء: «رئيس العليا للانتخابات عمل مؤتمر صحفي، وقال إن نتيجة تصويت المصريين في الخارج اللي راحوا 30 ألف ناخب، وبعدين عدد الأصوات الصحيحة 28 ألفًا».
وأضاف: «يعني عاملين منّظرة في 138 دولة في الخارج، ومحدش بيروح، وكانوا قاعدين يطالبوا بحق التصويت وفي الأخر يروح 28 ألف صوت، بجد خلينا نقول اللي يحتاجه البيت يحرم على الجامع، لو كنا سنخضع لصراخ الأقلية ونقول حاضر وخلاص ليهم، ولكن في الظروف الراهنة تعالوا نفكر إيه الصيغة اللي متخليش الكلام ده يحصل تاني؟».
وتابع: «أنا رأيي نلغي تصويت المصريين بالخارج لصالح البلد، الدولة في ظروفها دي مينفعش نحملها نفقات أكبر من طاقتها، وأعطت للخارج حق التصويت وفي الآخر 28 ألف صوت، وللأسف ومعظمهم شغال في البعثات الدبلوماسية، هل ده يرضي ربنا؟».
