صاحبك جنيه بيموتوه.. علشان يعيش البيه دولار.. وخير بلدنا بينزحوه.. من بورصة فى عز النهار.. يا جنيه ما عاد بينا الوداد.. بطَّل هزار ويَّا الكبار.. م الفول يدوبك كبشتين.. وتجيبلى نقطة م السولار.. هتخس تانى تروح لفين؟.. من إمتى كان بينا عمار.. أيام زمان كنت البريمو.. ويكش جنبيك الدولار.. دلوقت بنطبطب عليك.. ونهار أبوك أسود نهار.. إصحى وقوم وحياة أبوك.. هيفوتنا ويعدى القطار.. ليْكون دا حلم أو كابوس.. أو حتى نكتة أو هزار.. م الطماطم تمن كيلو.. وخمس كيلو م الخيار.. هتخس تانى تروح لفين؟.. سوِّدت ليلنا والنهار.
أخبار متعلقة
سامح لطف الله
