إعلاميون يناقشون تفعيل الغرامة بعد ضعف الإقبال: «نعوض عجز الموازنة.. اللجان وهي فاضية شكلها وحش» (فيديو)

ناقش مذيعو قناة «اليوم»، عمرو أديب، ورانيا بدوي، والحقوقي خالد أبو بكر، إمكانية تفعيل غرامة الـ500 جنيه، بعد ضعف الإقبال على الانتخابات.

وقالت «رانيا»، الأحد، أثناء تغطيتها للانتخابات: «دلوقتي أنا عندي قانون بيقول اللي مبينزلش هاخد منه 500 جنيه، وأنا كده كده عندي عجز موازنة، ما تعلن الدولة أنها هتنفذ بشكل حقيقي، أهو مليارات تدخل البلد بدل المليارات اللي بنروح نجيبها دي».

وسألها «أديب»: «واللي ميدفعش هتعمل في إيه؟ من وأنا بشورت بسمع الحكاية دي».

وقال «أبو بكر»: «القانون إرادة، ولازم يبقى في قدرة على التطبيق، ولما حد يروح يطلع بطاقة أو رخصة نقوله هات الـ500 جنيه»، لكن «أديب» رفض قائلًا: «تصدقي وتأمني بالله يغور اللي جاي يصوت لمصر علشان الفلوس».

ووافق «أبو بكر» على رأي «أديب»، قائلًا: «أيوة هيبقى شكلها وحش»، فردت «رانيا»: «وهي يعني اللجان وهي فاضية كده شكلها حلو؟».