أبدى المستشار مرتضى منصور، رئيس نادي الزمالك، استعداده للصلح مع المهندس محمود طاهر، رئيس النادي الأهلي، خلال مباراة الزمالك والأهلي بقمة السوبر المصري، الخميس.
أخبار متعلقة
وفي تصريحات لقناة «الحياة 2»، الأربعاء، قال مرتضى منصور: «محمود طاهر قال إنه مش هينحدر لمستوى مرتضى منصور، وأنا بقوله ربنا يسامحك».
وتابع «منصور»: «قبل لقاء محمود طاهر مع لميس الحديدي كنت هتصالح معه ولو اتقدم خطوة هتقدم عشرة، بس هو طلع وقال (توتو) و(لولو)، عشان كده بقوله إنت في حالك وأنا في حالي، ولو ربنا كرمنا وكسبنا مش عاوزك تقولي مبروك».
وفي نهاية حديثه استشهد رئيس الزمالك بآية قرآنية فتح بها باب الصلح مع محمود طاهر حين ذكر الآية رقم 61 من سورة الأنفال:
«وإن جنحوا للسلم فاجنح لها وتوكل على الله إنه هو السميع العليم».. صدق الله العظيم.
